6 kamida shahaadooyinka ugu fiican xirfadda Data Analytics.

Hordhac

Shahaadada Data analyst certification, waa mid kamida waxyaabaha muhiimka u ah xirfada loo yaqaan Data analyst, taasoo ah mid kamida xirfadda ugu fiican kuwa maanta lagu shaqayso. Xirfadda Data analyst kuma qasbanid inaad haysato shahaado jamacadeed, taas bedelkeeda waxad qaadankartaa shahaadooyinka loo yaqaan certified data analyst. Waxa jira laba erey oo badanaa dadku isku qaldaan oo kala

Certificate : Shahaada cadaynaysa inaad courseka qaadatay tusaale courseka marka dhamayso waa shahaada lagu siinayo
Certified: Qof la hubiyay in uu aqoontan leeyahay oo ugalay imtixaan, tusaale ahaan courseka ayaad qaadatay, kadib waxa jira imtixaan aad gelidoonto oo lacag bixin doonto, hadii aad ku guulayso imtixaankaas waxa lagu siin shahaado cadaynaysa in aad xirfaddan taqaanid, kuna dhacaysa waqti cayiman sida sanad ama laba sano, qaarkoodna maba ahan kuwo dhacaya.

Hadaba aan isla fiirinno Shahaadooyinka loo yaqaan certified data analys, isla markaana imtixaanka aad u geli doono si loo hubiyo xirfadaada. Waxan maqaalkeenna kusoo bandhigaynaa 6da shahaado ee muhiimka u ah mid kamida xirfadda ugu fiican waqtigan in labarto. Qiimaynteena waxan kasoo bilaabi doona xaga sare tusaale ahaan tan 6aad inagoo hoos u degayna ilaa aan ka tagno tan 1aad.

6. Microsoft certified: Azure Data Fundamentals (DP-900)

Shahaadan waa mid kamida kuwo ugu fiican ee la barto. Hadii aad aqoon fiican uleedahay ereyadan Database, Relational iyo Non-Relational waxay kugu qaadanaysaa maalmo kooban, hadii kale dhowr wiig. Imtixaankeedu waa kudhowaad saacad.

Shahaadan waxad ku barandoonaa cloud based data services. Shirkado badan ayaana isticmaala aduunka adeegyada Microsoft sida Azure. Inkastoo shahaadan ay tahay mid aad waxbadan ku barandoonto, ahna mid bilow ah, hadana waxan odhankarnaa ma’ahan mid ku siinaysa dhamaan xirfadaha bilowga u ah data analyst, waxana kugula talinaynaa inaad sidoo kale xoga saarto luuqadda SQL iyo Visualization tools-ka sida Tablaue ama Power BI. Sidaas darteed haku ekaan shahaadan waana inaad horey ugasii socoto.

Faa’iidada shahaadan: Barashada waxa loo yaqaan cloud based data services, iyo nidaamka uu u shaqeeyo. Hadii aad rabto inaad hadhow usii gudubto xirfadda Data Engineer, shahaadan waxay kusiinaysaa fahamguud kuna haboon aqoonta aad ku barandoonto Data engineering course.
Waqtiga dhicitaanka: Shahaadooyinka microsoft badanaa waa kuwo ku dhaca waqti kooban, lakin shahaadan ma ahan mid waligeed kaa dhacaysa sababtoo ah waa microsoft fundamental certificate.
Sidee ku barankartaa course-kan ? Courseka xogtiisa oo dhamaystiran waxan kahelaysaa halkan
Imtixaanka: Hadii aad somalia joogto waa 55$. Xogtiisa waxad kahelaysaa halkan, ha ilaawin markad imtixaanka gelayso inaad doorato wadanka aad joogto waayo lacagta aad bixinayso marwalba waxay ku xirantahay wadanka aad joogto

5. Tableau Certification Data Analyst

Shahaadan waa mid iyaduna bilow ah, kaagana baahnayn inaad haysato wax aqoon hore ama waayo aragnimo ah kuna saabsan xirfaddan, inkastoo ay Tableau kugula talinayso inaad xoogaa soo isticmaalo softwarekooda tableau markaas kadibna aad shahaadan diyaariso.

Faa’iidada shahaadan: Tableau waa visualization tool (program-yada lagusoo bandhigo xogta si muuqaal lafahmikaro ah) waana mid kamida toolska ay shirkada aduunka badankoodu doorbidaan inay ku shaqeeyaan. Shahaadan waa mid aad muhiim u ah markaad codsanayso shaqo banaan.
Waxyaabaha aad ku barandoonto shahaadan: Isku xirka Data iyo Data resource, Data transformation, Analyzing Data, Visualization kadibna inaad xogtii la wadaagto dadkale (Sharing)
Imtixaanka: waa 250$ waana 120 daqiiqo, wuxuuna ku baxayaa keliya luuqadaha English iyo Japanez, jawaabta imtixaankaagana waxad helaysaa ugu badnaan 48 saac. Xogta imtixaanka halkan.
Sidee ku barankartaa course-kan: Waxaad si free ah uga barankartaa youtube waana inaad samayso practical badan, qaybta youtube hadad rabto waxan kugula talin lahaa inaad kabarto channel-kan. Hadii aad awoodayso waxaad course-ka oo dhamaystiran ka barankartaa Tableau websitekooda, riix halkan.

4. Cloudera Certified Data analyst.

Shahaadan ujeedadeedu waxa weeye in la hubiyo xirfadaada aqooneed ee luuqada SQL. Hadii aad aqoon hore ulahayd ama kusoo shaqaysay xirfadahan SQL developers, data analysts, business intelligence specialists, developers, system architects, and database administrators way kuu fududatahay inaad shahaadan qaadato.

Faa’iidada shahaadan: Waxaadna waxbadan ka barandoonta, nidaamka iyo siday ushaqayso Cloudera’s CDH environment. Sidoo kale shahaadan waa mid xoogaa dhexdhexaad ah, kagana baahan waqti iyo dadaal, sidaa darteed qofka wata wa qof aad muxtarim u ah.
Waxyaabaha aad ku barandoonto shahaadan: Isticmaalka Data Definition Language (DDL), Isticmaalka Query Language (QL) in Hive iyo Impala. Diyaarinta report-yada adoo isticmaalaya SELECT commands, unions iyo subqueries iyo qaarkaloo badan.
Imtixaanka: Qiimaha imtixaanka waa 295$ waa 120 daqiiqo. Xogta imtixaanka waxad ka helaysa halkan
Sidee ku barankartaa course-kan: Course-ka shahaadan waxaad ka helaysaa meelo kala duwan sida udemy ama cloudera websitekooda.

Talo ahaantay shahaadan kulama taliyeen qof bilow ah, maadaama ay tahay shahaado dhexdhexaad ah una baahan in aad wax badan ka fahamsantahay field-gan.

3. Microsoft Certified: Power BI Data analyst Associate.

Shahaadan waa mid kamida kuwa ugu qiimaha badan, qofka wata shahadanna waxay cadaynaysaa in uu ku takhasusay aqoon fiicanna uleedahay programmka Microsoft Power BI oo ah tool aad ku qabankarto waxkasta oo data analysing ku saabsan. Shahaadan waa mid ku haboon qofka bilowga ah, hadii aad aqoon hore ulahayd Ms Excel waxaad la kulmi doontaa waxyaabo badan oo kuu fududaan doona.

Faa’iidada shahaadan: Ixtiraam iyo kalsooni aad ku qabto aqoontaada, inay kuu fududaato inaad si fudud kuhesho shaqooyinka data analyst qaasatan kuwa ubaahan qofka ku takhasusay programka Power BI. Shahaadan waa mid kamida kuwo ugu fiican ee laga bilaabo aqoonta data analyst. Halka ceeb oo shahaadan leedahay waxa weeye hadii aad ubaahato inaad u wareegto Tableau in uu kugu noqonayo program cusub waayo waxkasta oo aad ubaahantahay shaqada Data analyst waxad ka helaysaa isla Power BI.
Waxyaabaha aad ku barandoonto shahaadan: Bilowga courseka waxaad si guud laguu barayaa Excel iyo siduu ushaqeeyo, Sidoo kale waxad ku barandoonta waxa loo yaqaan ereyadan Data preparation, Data modeling, Analysing Data, Maintening assets iyo dhamaan siduu ushaqeeyo programka Power BI.
Imtixaanka: Qiimaha imtixaanka wuxuu ku xiranyahay wadankaad joogto, xogtiisa waxad kahelaysaa halkan
Sidee ku barankartaa course-kan: Course-ka shahaadan waxaad ku barankartaa 3 qaab.
- In aad toos websiteka microsoft uga barato, adigoo marba qayb dhamaynaya waana free.
- In aad ka barato websiteka coursera, figrad ahaantayna waxan kugula talinlahaa qaybtan hadii aad awoodayso lacagteeda, waayo coursera ma ahan free. Waliba hadii aad coursera ka barato courseka imtixaanka waxa hadhow microsoft kaa jaraysaa -50% maadama aad lacag kusoo baratay.
- In aad ka barato Youtube-ka waxa jira channels badan oo complete course kusiinaya.

2. CompTia Data+

Sida ay ku xuseen websitekooda waa shahaado ku haboon qofka ku haboon field-gan data analytics. Shahaadan kuma hadad qaadato kuma koobna keliya data analyst, waxaa jira boosaskale oo shaqo ay kuu sahlayso inaad buuxiso sida Data Architect, Data scientist, Business analyst, Reporting analyst iyo Operating analyst. Shahaadan waa mid kamida aduunka ugu caansan.

Faa’iidada shahaadan: CompTia waa mid kamida shirkada ugu maamuuska wayn aduunka, Shahaadann qofka watana waxaa jira albaabo badan oo u furmaya kuwaas oo la xiriira Data.
Waxyaabaha aad ku barandoonto shahaadan: Waxyaabaha aadku baran doonto course-ka shahadan waxa kamida Data concepts and Enironments, Data mining, Data analysing, Visualization, Data Governance, Quality and Controls iyo qaarkaloo badan.
Imtixaanka: Qiimaha waa 246$ waa 90 daqiiqo
Sidee ku barankartaa course-kan: Hadaad websitekooda ka baranayso waxaa jira qaabab badan oo aad uga baran karto, sidoo kale qiimahooda kala duduwan yahay. Xogtaas oo dhamaystiran riix halkan

1. AWS Certified Data analytics- Specialty

Shahaadan waxan orankarnaa waa mid advanced ah marka loo eego kuwii hore, waxaana jirta dhowr shay oo ay kugula talinayaan ka hor intaadan imtixaanka shahadan gelin, sida inaad haysato dhowr sano oo wayo aragnimo ah. Shahaadan maadama ay advanced level tahay waxa jira 3 qaybood oo kale oo ay ka koobantahay, oo ka horeeya levelkan aynu hada ka hadlayno oo kala ah Foundational, Associate iyo Professional, intaas ka dib ayaad qaadankartaa qaybtan la dhaho Specialty

Faa’iidada shahaadan: AWS waa mid kamida shirkada ugu magaca wayn aduunka marka laga hadlayo Cloud Technology, qofka haysta shahaadanna waa muxtarim, taasoo u sahlaysa qofka shaqada bixinaya in uu aamino in aad aqoon fiican uleedahay cloud technology.
Waxyaabaha aad ku barandoonto shahaadan: Waxaad ku barandoontaa shahaadan AWS data lakes and analytics services iyo Big Data Options on AWS.
Imtixaanka: Waa 300$ waana 180 daqiiqo, xogta oodhamaystiran riix halkan
Sidee ku barankartaa course-kan: Waxaad ka barankartaa Coursera, xogta courseka oo dhamastiran riixa halkan

Dhamaad

Maqaalkan waxan kusoo koobnay 6 shahaado oo aanu u arkaynay qofka haysta in ay u fududaynayso inuu helo shaqada Data analytics. Xusuusnow 6da shahaado ee aanu soo xulanay waa figradda-yada bes, waxa macquul ah inay jiraan kuwo kale oo kasii fiican, fadlan marwalba samee baadhitaan kuu khaasa adiga. Waad ku mahadsantahay waqtigaaga walaal.

2 responses to “6-da shahaado ee ugu macquulsan xirfadda Data analytics”

Mohamed Hassan says:

April 1, 2024 at 11:03 am

zaakalaah waa xog muhiim ah ooo na anfacaysa

Reply
- DataSage says:
  
  April 1, 2024 at 1:24 pm
  
  Guul baan kuu rajayn walaal🙏🏾
  
  Reply